Тошкент шаҳридаги «Абу Сахий» бозорининг ёнгинасида Рамазон ойининг илк жумасида 3 минг ўринли йирик жоме масжиди очилди. Kun.uz ушбу масжиддан фотогалерея тақдим қилади.
Жорий йил 8 апрель куни, Жума намози вақтида бўлиб ўтган «Абу Сахий» масжидининг расмий очилиш маросимида Ўзбекистон мусулмонлари идораси раисининг биринчи ўринбосари Ҳомиджон Ишматбеков ва бошқа расмийлар қатнашди.
Фото: Ўзбекистон мусулмонлари идораси
Тошкент шаҳар бош имом-хатиби ўринбосари Абдуқаҳҳор Юнусов ўз вазифасидан ажралмаган ҳолда «Абу Сахий» жоме масжиди имом-хатиби этиб тайинланди.
![](https://storage.kun.uz/source/8/QqSGcxIPZIsYYTejkLD4w9iB5wcieon9.jpg)
Масжид ичи жуда кенг бўлиб, икки қават ва ер остки қисмдан (подвал) иборат.
35 метрли йирик гумбазни 8 та устунлар ушлаб туради. Масжид расмийларининг айтишича, 8 та устунлар жаннатнинг 8 дарвозаси рамзи сифатида қурилган.
Масжид ва гумбазнинг марказида 8,5 метр узунлик ва 8,5 метр кенгликдаги, оғирлиги 5 тонна бўлган ҳашаматли қандил илинган.
Масжидни ташқи тарафдан 2 та 63 метрли миноралар безаб турибди. «Миноралар узунлиги Пайғамбаримиз алайҳиссаломнинг ёшларига мослаб 63 метрдан қилинган. Бу ерда ҳар бир деталга маъно беришга ҳаракат қилганмиз», - дейди масъуллар.
Таҳоратхона ва масжиднинг пастки қаватлари ҳам гўзал дид билан безатилган.
Шунингдек, масжиднинг пастки қисмида аёллар учун ҳам алоҳида намозхона ва таҳоратхона ишга туширилган.
![](https://storage.kun.uz/source/8/XNHDiWYTuNlm4nfCjPDcFEjrZqAcXy4_.jpg)
қурилиш ҳудуди бошлиғи Олимжон Заетов, бош координатор Одилжон Эрниёзов.
Масжиднинг ташқарисида ҳам ички ҳовлисида ҳам чиройли фавворалар қурилган.
![](https://storage.kun.uz/source/8/7ynfBNZ-kTp4otDv57zeK3gAXlvcLix6.jpg)
Масъуллар шунингдек, масжид қурилишида ишлатилган асосий материаллар ва гиламлар асосан Туркиядан олиб келинганини маълум қилди.
Manba: kun.uz
Фаррух Абсаттаров, Kun.uz мухбири
Расмлар муаллифи: Муҳаммаджон Ғаниев